Rekord yeniləndi: Norveç Olimpiadada zirvədədir
Norveç millisi Qış Olimpiadasında qazanılan qızıl medalların sayına görə yeni rekord müəyyənləşdirib.
TodayPress TV xəbər verir ki, norveçlilər XXV Qış Olimpiya Oyunları çərçivəsində İtaliyada keçirilən yarışlarda 17 qızıl medal əldə ediblər.
Beləliklə, onlar Pekin-2022 Qış Olimpiya Oyunları zamanı qazandıqları 16 qızıllıq əvvəlki rekordlarını geridə qoyublar.
17-ci qızıl medalı biatlonçu Johannes Dale-Sevdal 15 km məsafəyə kütləvi start yarışında qazanıb. Norveç idmançıları biatlondan əlavə xizək yarışı, fristayl, xizək iki¬növçülüyü, tramplindən tullanma və konkisürmə növlərində də qızıl medala sahib olublar.
Ölkə üçün ən çox medal qazanan idmançı isə xizəkçi Johannes Klebo olub.
Namiq HUN
