Qasperinidən Fofana təkidi: “Roma” transfer üçün hərəkətə keçdi!
“Roma” futbol klubu “Lion”un vingeri Malik Fofananı transfer etmək üçün 40 milyon avro ödəyə bilər.
TodayPress TV xəbər verir ki, bu barədə “La Gazzetta dello Sport” məlumat yayıb.
Bildirilir ki, “Roma”nın baş məşqçisi Can Pyero Qasperini 21 yaşlı futbolçunu komandasında görmək istəyir. Bununla yanaşı, Fofananın xidmətində İtaliyanın digər klubu “İnter” də maraqlıdır.
Belçikalı futbolçu 2024-cü ilin yanvarından “Lion”da çıxış edir. O, ötən mövsüm bütün turnirlərdə 16 matçda meydana çıxıb, 2 qol vurub və 1 məhsuldar ötürmə edib. Fofana mövsümün böyük hissəsini zədə səbəbindən buraxıb.
Qeyd edək ki, futbolçunun Fransa təmsilçisi ilə müqaviləsi 2028-ci ilin yayına qədər qüvvədədir. Transfermarkt portalında Fofananın hazırkı bazar dəyəri 30 milyon avro qiymətləndirilir.
Namiq HUN
