“Qara qartallar” hücumu gücləndirdi - yeni imza rəsmiləşdi
“Beşiktaş” klubu hücum xəttini cənubi koreyalı forvard O Hyon Qyu ilə gücləndirib.
TodayPress TV xəbər verir ki, bu barədə İstanbul təmsilçisinin rəsmi saytı məlumat yayıb.
“Qara qartallar” Belçikanın “Genk” klubunda çıxış edən 24 yaşlı hücumçunu transfer edib. Məlumata görə, futbolçu üçün Belçika təmsilçisinə 14 milyon avro məbləğində təzminat ödəniləcək. O Hyon Qyu “Beşiktaş”la 2029-cu ilin yayına qədər qüvvədə olacaq müqaviləyə imza atıb.
Qeyd edək ki, cənubi koreyalı futbolçu cari mövsüm “Genk”in heyətində bütün turnirlərdə keçirdiyi 32 rəsmi oyunda 10 qol vurub və 3 məhsuldar ötürmə edib.
Namiq HUN
