Mourinyo deyil: “Real” üçün sürpriz namizəd Klopp göstərildi!
Transfer eksperti Fabritsio Romano bildirib ki, “Real Madrid” klubunun prezidenti postuna namizəd olan Enrike Rikelme komandanı Jurgen Kloppun çalışdırmasını istəyir.
TodayPress TV xəbər verir ki, o, özünün YouTube kanalında yayımladığı açıqlamada bunları deyib:
“Enrike Rikelme yaxın vaxtlarda komandada görmək istədiyi yeni baş məşqçinin adını açıqlayacaq. Mənbələrim bildirirlər ki, həmin namizəd Yurgen Kloppdur.
Florentino Peresin namizədi isə artıq rəsmən Joze Mourinyodur. Futbol dairələrində Enrike Rikelmenin təqdim edə biləcəyi potensial namizəd kimi Yurgen Kloppun adı hallanır. Lakin o, strategiyasını və namizədlərini azarkeşlərə özü təqdim edəcək. Buna görə də gözləmək lazımdır".
Xatırladaq ki, “Real Madrid” klubu prezident seçkilərinin tarixini açıqlayıb. Seçkilər iyunun 7-də keçiriləcək. Səsvermədə klubun hazırkı prezidenti Florentino Peres və ispaniyalı iş adamı Enrike Rikelme iştirak edəcəklər.
Namiq HUN
