Monako yarışı öncəsi favorit açıqlandı!
Keçmiş “Formula-1” pilotu Ralf Şumaxer Monako Qran-prisi öncəsində komandaların şanslarını dəyərləndirib.
TodayPress TV xəbər verir ki, bu barədə “F1oversteer” məlumat yayıb.
Şumaxer “McLaren” komandasının Monako mərhələsinin əsas favoritlərindən biri oldsuğunu bildirib:
““Maklaren”in bolidi indiyədək bütün traslarda özünü yaxşı göstərib. Bununla yanaşı, “Ferrari”nin SF26 bolidi də çox yaxşı iş diapazonuna malikdir, güclü aerodinamikaya sahibdir və idarəetməsi nisbətən rahat görünür. Monakoda hər şey “Maklaren” üçün uğurlu alına bilər. Komandanın hər iki pilotu da bu trasda çox sürətlidir. Buna görə də onlar “Ferrari”nin ən ciddi rəqiblərindən biri, hətta favorit ola bilərlər”.
O, həmçinin komandanın son yarışlarda taktiki səhvlər etdiyini xatırladıb. Şumaxerin sözlərinə görə, xüsusilə Oskar Piastri ilə bağlı qərarlar Monreal mərhələsində ideal olmayıb.
Ekspert vurğulayıb ki, Monako trasının daim dəyişən şəraiti düzgün sazlamaların seçilməsini çətinləşdirir və burada sürücülərin rolu həlledici əhəmiyyət daşıyır:
“Pilot komandası ilə birlikdə trasın necə davranacağını əvvəlcədən hiss etməlidir. Monakoda bunu etmək xüsusilə çətindir. Burada yenə də hər şey sürücünün əlindədir”.
Namiq HUN
