Mbappe “Zalsburq”a qarşı oynaya bilər?

“Real Madrid” klubunun hücumçusu Kilian Mbappe klublararası dünya çempionatının III turunda Avstriyanın “Zalsburq” klubuna qarşı keçiriləcək oyunda meydana çıxa bilər.

TodayPress TV İspaniyanın Marca nəşrinə istinadən xəbər verir ki, hazırda fransalı ulduz əsas komandayla məşqlərə qoşulmasa da, fərdi qaydada zalda hazırlığını davam etdirir. 

Mbappenin iyunun 27-də baş tutacaq qarşılaşmada iştirak etmək şansı yüksək qiymətləndirilir.

Qeyd edək ki, Mbappe iyunun 19-da kəskin qastroenterit diaqnozu ilə xəstəxanaya yerləşdirilib və sonradan evə buraxılıb. O, xəstəliyə görə “Əl-Hilal”la (1:1) və “Paçuka” ilə (3:1) oyunları buraxmalı olub.

Namiq HUN