Cud Bellingem noyabrda yaşıl meydanlara qayıdacaq

“Real Madrid” klubunun və İngiltərə millisinin yarımmüdafiəçisi Cud Bellingem çiyin əməliyyatından sonra ən azı oktyabrın sonunadək oyunlara qatıla bilməyəcək.

TodayPress TV xəbər verir ki, bu barədə "AS" nəşri məlumat yayıb.

Futbolçu ötən həftə çiyin çıxığının təkrarlanması səbəbindən əməliyyat olunub. Zədəni o, 2023-cü ilin noyabrında “Rayo Valyekano” ilə matçda alıb. Həmin vaxt Bellingem dərhal əməliyyat olunmaq əvəzinə, reabilitasiya planı seçərək “Real”da çıxışını davam etdirib.

Klub futbolçuya bərpa prosesində məşqlərə qayıtmazdan əvvəl bir neçə əlavə istirahət günü verib.

Qeyd edək ki, son mövsüm Bellingem bütün turnirlərdə 58 oyuna çıxıb, 15 qol vurub və 15 məhsuldar ötürmə edib.

Namiq HUN