“Çelsi” baş məşqçi Enzo Mareskanı göndərdi
Londonda “Çelsi” klubu baş məşqçi Enzo Mareskanın istefasına qərar verib.
TodayPress TV xəbər verir ki, məlumatı tanınmış jurnalist və insayder Fabrisio Romano sosial şəbəkə X-də yayıb.
Mənbənin bildirdiyinə görə, italiyalı mütəxəssis haqqında rəsmi açıqlama bir qədər sonra veriləcək, klub isə artıq yeni baş məşqçi axtarışına başlayıb.
Hazırki mövsümdə Premyer Liqada 19 oyundan sonra “Çelsi” 30 xal toplayaraq 5-ci pillədə qərarlaşıb və lider “Arsenal”dan 15 xal geri qalır.
Qeyd edək ki, Mareska 2024-cü ilin yayında “Çelsi”yə rəhbərlik etməyə başlayıb. Daha əvvəl o, “Lester” və “Parma” klublarında çalışıb.
Namiq HUN
