“Bu, artıq əvvəlki kimi deyil” – Herbert qaydaları tənqid etdi
Keçmiş “Formula-1” pilotu Conni Herbert mövsümün yeni reqlamenti ilə bağlı fikirlərini bölüşüb.
TodayPress TV xəbər verir ki, o, bu barədə “RacingNews365” nəşrinə danışıb.
Herbert dəyişikliklərin sürücülük hissinə mənfi təsir etdiyini bildirib. Onun sözlərinə görə, xüsusilə gec əyləcləmə imkanlarının azalması pilotlar üçün sürüş zövqünü aşağı salır.
O qeyd edib ki, enerji istifadəsi sistemi hələ tam ideal vəziyyətə gətirilməyib və bu sahədə təkmilləşdirmələr gözlənilir. Herbert gücün daha balanslı şəkildə ötürülməsinin vacibliyini vurğulayıb.
Pilot həmçinin ötmələrlə bağlı vəziyyətə də toxunaraq bildirib ki, bəzi hallarda bu manevrlər süni təsir bağışlayır.
Namiq HUN
