Basketbol millimiz Çin yığması ilə qarşılaşacaq
Azərbaycanın qadınlardan ibarət 3x3 basketbol millisi Dünya Seriyasının Buxarest mərhələsində bu gün növbəti oyununa çıxacaq.
TodayPress TV xəbər verir ki, yığmamız 1/4 finalda Çin millisi ilə qarşılaşacaq.
Oyun Bakı vaxtı ilə 18:50-də başlayacaq.
Dünya Qadın Seriyası
13 iyul
18:50. Azərbaycan – Çin
Qeyd edək ki, basketbolçularımız ilkin qrup mərhələsində "Tsukuba"ya (Yaponiya) 21:10, "Lozanna"ya (İsveçrə) 21:11 hesabı ilə qalib gəlib. Əsas mərhələnin C qrupunda isə basketbolçularımız Ukrayna (21:20) və Sinqapuru (22:10) məğlub ediblər.
