Azərbaycan idmançılarının 2026-cı ilin iyun ayı üçün reytinq cədvəli açıqlandı
Azərbaycan idmançılarının 2026-cı ilin iyun ayı üçün reytinq cədvəli açıqlanıb.
TodayPress TV xəbər verir ki, bu barədə Gənclər və İdman Nazirliyi məlumat yayıb.
Siyahıya apreldə Albaniyanın paytaxtı Tiranada keçirilmiş Avropa çempionatında qızıl medal qazanan yunan-roma güləşçisi Həsrət Cəfərov (480 xal) başçılıq edir.
Yarışın digər qızıl mükafatçısı, sərbəst güləşçi Giorgi Meşvildişvili (460 xal) ikinci pillədə qərarlaşıb. Qitə birinciliyində gümüş medal qazanan sərbəst güləşçi Arseniy Djioyev (420 xal) ilk "üçlüy"ü qapayır.
Növbəti sıralarda Zelim Kotsoyev (cüdo, 390 xal), Səidcəmşid Cəfərov (boks, 350 xal), Elcan Hacıyev (cüdo, 340 xal), Murad Əhmədiyev (yunan-Roma güləşi, 330 xal), Zelim Tçkayev (cüdo, 320 xal), Ülvü Qənizadə (yunan-Roma güləşi, 300 xal) və Nurəddin Novruzov (sərbəst güləş, 270 xal) yer alıblar.
Qeyd edək ki, may ayında reytinq cədvəli belə olub:
Həsrət Cəfərov (Yunan-Roma güləşi) 480 xal
Giorgi Meşvildişvili (Sərbəst güləş) 460 xal
Arseniy Djioyev (Sərbəst güləş) 420 xal
Zelim Kotsoyev (Cüdo) 390 xal
Elcan Hacıyev (Cüdo) 370 xal
Səidcəmşid Cəfərov (Boks) 350 xal
Murad Əhmədiyev (Yunan-Roma güləşi) 330 xal
Zelim Tçkayev (Cüdo) 320 xal
Ülvü Qənizadə (Yunan-Roma güləşi) 300 xal
Nürəddin Novruzov (Sərbəst güləş) 270 xal
