Azərbaycan gəncləri evdə böyük turnirdə çıxış edir
Gəncədə cüdo üzrə yeniyetmələr arasında Avropa Kuboku start götürüb.
TodayPress TV xəbər verir ki, Gəncə İdman Sarayında təşkil olunan beynəlxalq turnirdə 10 ölkənin 269 cüdoçusu (180 oğlan, 89 qız) iştirak edir.
Turnirin ilk günündə oğlanlar 50 kq, 55 kq, 60 kq, 66 kq, qızlar isə 40 kq, 44 kq, 48 kq və 52 kq çəki dərəcələrində mübarizə aparır.
Avropa Kubokunda ölkəmizlə yanaşı Belarus, Bolqarıstan, Gürcüstan, Qazaxıstan, Qırğızıstan, Portuqaliya, Tacikistan, Türkiyə və Amerika Birləşmiş Ştatlarının cüdoçuları 16 çəki dərəcəsində qüvvəsini sınayır.
Analoji yarışa dördüncü dəfə ev sahibliyi edən Azərbaycan turnirdə 127 cüdoçu ilə təmsil olunur.
Namiq HUN
