Uşaqlar bağçada niyə xəstələnirlər?
Payızda bir çox valideyn uşaqlarını ilk dəfə bağçaya göndərir, lakin bir neçə ay sonra soyuqdəymə və kəskin respirator virus infeksiyaları səbəbindən uşaqları evdə saxlamaq istəyə bilirlər.
TodayPress TV xəbər verir ki, uşaqların tez-tez xəstələnməsinin əsas səbəbi adaptasiya prosesidir.
Yeni mikrob mühiti və ətraf mühitin dəyişməsi uşaqlarda psixo-emosional stress yaradır və immun sisteminin aktivləşməsinə səbəb olur.
Uşaq yüngül xəstəliklərdən sonra sağaldıqda bağçaya davam etməlidir, əks halda uyğunlaşma gecikir. Ağır xəstəliklərdə isə pediatr və ya immunoloqla məsləhətləşmək vacibdir.
Bağça uşaqların yalnız tibbi deyil, həm də sosial inkişafında vacib rol oynayır. Uşaqlar orada dostluq və komanda bacarıqlarını öyrənir. Sağlamlıq səbəbindən bağçaya gedə bilməyən uşaqların həmyaşıdları ilə ünsiyyəti qorunmalıdır, əks halda gələcəkdə yeni qruplara uyğunlaşma və immun reaksiyası çətinləşə bilər.
Türkan İsgəndərli
