Dəmir çatışmazlığına səbəb nədir?
Qan testlərində dəmir çatışmazlığı müxtəlif və bir-biri ilə əlaqəsiz səbəblərdən yarana bilər. Mütəxəssislər bildirirlər ki, zəif udulma, xroniki infeksiyalar, daxili qanaxmalar, hamiləlik çatışmazlığın geniş yayılmış səbəblərindəndir.
TodayPress TV xəbər verir ki, çölyak və iltihablı bağırsaq xəstəlikləri də dəmirin sorulmasına mane ola bilər.
Həddindən artıq çay və qəhvə istehlakı da bu mineralların udulmasını azaldır.
Qeyd olunur ki, dəmir çatışmazlığı fərqli səbəblərdən yarandığı üçün müalicəyə yanaşmalar da dəyişir. Dəmir əlavələri hər zaman uyğun sayılmır və bəzi hallarda qəbizlik, mədə qıcıqlanması və hətta orqanlara zərər verə biləcək qədər yüksək dəmir səviyyəsinə gətirib çıxara bilər.
Mütəxəssislərin tövsiyəsinə görə, testlər çatışmazlıq göstərdiyi halda dərhal əlavələrə başlamağa ehtiyac yoxdur. Çox vaxt əsas səbəb aradan qaldırıldıqda əlavə qəbuluna ehtiyac qalmır. Bağırsaq sağlamlığını yaxşılaşdırmaq, infeksiyaları müalicə etmək, pəhrizə dəmirlə zəngin qidalar daxil etmək daha təsirli hesab olunur.
Türkan İsgəndərli
