Avtomobildə kondisionerdən necə istifadə etməli?

İsti havalarda kondisionerdən düzgün istifadə olunmadıqda sürücülər xəstələnə bilərlər.

TodayPress TV xəbər verir ki, avtomobilin salonu çox qızmış vəziyyətdə olarkən kondisioneri dərhal işə salmaq doğru deyil.

İlk olaraq salon havalandırılmalı, daha sonra kondisioner orta temperaturda qurulmalı və dərəcə tədricən aşağı salınmalıdır. Temperaturun kəskin dəyişməsi orqanizmdə güclü soyuqlamaya səbəb ola bilər.

Mütəxəssislər tövsiyə edir ki, əgər havanın temperaturu 30-35 dərəcədirsə, kondisioner əvvəlcə yalnız 5-10 dərəcə aşağı tənzimlənməlidir. Bədən alışdıqca temperatur göstəricisi daha da azaldıla bilər.

Havanın avtomobil salonunda bərabər paylanması da vacibdir. Soyuq axının birbaşa baş və ya ayaqlara yönəldilməsi bədənin qəfil soyumasına səbəb ola bilər.

Türkan İsgəndərli