Avtomobil 79 yaşlı piyadanı vurdu
Goranboyda ölümlə nəticələnən yol qəzası baş verib.
TodayPress TV-nin məlumatına görə, hadisə Goranboy–Tərtər yolunun rayonun Veyisli kəndi ərazisindən keçən hissəsində qeydə alınıb.
Məlumata görə, hərəkətdə olan avtomobil yolu keçmək istəyən Kəlbəcər rayon sakini, hazırda Veyisli kəndində yaşayan 1947-ci il təvəllüdlü E. Həsənovu vurub. Piyada xəstəxanaya aparılarkən yolda dünyasını dəyişib.
Hadisə yerinə DYP əməkdaşları cəlb olunub, faktla bağlı araşdırma aparılır.
