Dünyanın ən böyük köpəkbalığı tapıldı
ABŞ-nin Nantuket sahillərində rekord ölçülü erkək böyük ağ köpəkbalığı aşkarlanıb.
TodayPress TV xəbər verir ki, bu barədə "MassLive" məlumat yayıb.
Köpəkbalığının uzunluğu 4,2 metr, çəkisi isə təxminən 750 kiloqramdır. Bu, "OCEARCH" təşkilatının araşdırmaları tarixində qeydə alınan ən böyük erkək ağ köpəkbalığıdır.
Məlumata görə, köpəkbalığı ilk dəfə Florida və Corciya ştatları yaxınlığında aşkar edilib. Tədqiqatçılar onu izləyərək davranışlarını öyrənməyə çalışırlar.
Köpəkbalığıya Kontender adı verilib. Bu ad, tədqiqat gəmilərini təmin edən "Contender Boats" şirkətinin şərəfinə seçilib.
"OCEARCH" komandası Contenderi "okeanın komandan döyüşçüsü" adlandırıb və onu müşahidə etməyə davam edəcəyini bildirib.
Türkan İsgəndərli
