43 min illik Neandertal barmaq izi tapıldı

İspaniyanın cənubunda arxeoloqlar 43 min il əvvəl Neandertal tərəfindən qoyulan barmaq izi aşkarlayıblar. 

TodayPress TV xəbər verir ki, bu barədə Arxeoloji və Antropoloji Elmlər jurnalında dərc olunub.

Bildirilib ki, San Lazaro sığınacağında tapılan iz oxra piqmenti ilə daşın mərkəzinə bilərəkdən çəkilib. Alimlər bu izi portativ sənətin ən erkən formalarından biri və simvolik düşüncənin sübutu kimi qiymətləndirirlər.

Tədqiqatçılar qeyd edirlər ki, daş praktik məqsədlə istifadə olunmayıb, ehtimal ki, insan üzünə bənzər formaya görə seçilib. Bu kəşf Neandertalların təxəyyül və simvolik ifadə qabiliyyətinə malik olduqlarını göstərir.

Türkan İsgəndərli