Məşhur türkiyəli aktyorlara HƏBS CƏZASI

Tanınmış Türkiyəli aktyorlar Halit Ergenç və Rıza Kocaoğlu barəsində "Gezi Parkı" istintaqı çərçivəsində “yalan şahidlik” etdikləri iddiası ilə açılmış cinayət işində məhkəmə qərarı elan olunub.

TodayPress TV xəbər verir ki, bu barədə "Haber Global" məlumat yayıb.

Məhkəmənin hökmünə əsasən, Halit Ergenç 1 il 10 ay 15 gün, Rıza Kocaoğlu isə 1 il 8 ay müddətinə azadlıqdan məhrum edilib. Bununla belə, hökmün icrası təxirə salınıb.

Qeyd edək ki, hər iki aktyor tanınmış menecer Ayşe Barımın işi üzrə şahid qismində ifadə verib və məhkəmə onların bəzi bəyanatlarını əsassız hesab edərək yalan şahidlik kimi qiymətləndirib.

Töhfə Səməd