"Disney"in ən çox qazandıran qəhrəmanı məlum oldu
Məşhur “Lilo & Stitch” franşizasının qəhrəmanı olan yadplanetli Stitç 2025-ci ildə “Disney” üçün ən böyük maliyyə uğuruna çevrilib.
TodayPress TV xəbər verir ki, filmin rimeyki dünya üzrə 1,04 milyard dollar gəlir əldə edərək ilin ən çox gəlir gətirən filmlərindən biri olub.
Bundan əlavə, Stitç obrazı ilə bağlı məhsulların satışı 2025-ci maliyyə ilində 4 milyard dolları keçib.
Film “Disney+” platformasında da böyük maraq görüb və 5 gün ərzində 14,3 milyon baxış toplayaraq platforma tarixində ikinci ən uğurlu açılış göstəricisinə imza atıb.
Qeyd edək ki, “Lilo & Stitch”in orijinal animasiya filmi ilk dəfə 2002-ci ildə nümayiş olunub.
Türkan İsgəndərli
