“Vaşinqton” məşqçisini işdən uzaqlaşdırdı
ABŞ Milli Hokkey Liqası (NHL) klublarından “Vaşinqton Kepitals”ın məşqçisi Mitç Lav komandanın qərarı ilə işindən uzaqlaşdırılıb.
TodayPress TV klubun mətbuat xidmətinə istinadən xəbər verir ki, mütəxəssis NHL-in apardığı araşdırmanın nəticələri gözlənilənə qədər məzuniyyətə göndərilib.
Klub rəhbərliyi araşdırma bitənə qədər mövzu ilə bağlı əlavə şərh verməyəcəyini açıqlayıb.
Qeyd edək ki, mövsümdən əvvəl Mitç Lav “Pittsburq”, “Boston” və “Sietl” klublarında baş məşqçi postuna namizədlər arasında olsa da, sonda “Vaşinqton”da qalıb.
Xatırladaq ki, ötən mövsüm “Vaşinqton Kepitals” Stenli Kubokunun ikinci raunduna yüksəlsə də, “Karolina”ya beş oyunda məğlub olmuşdu.
Namiq HUN
