UEFA "Sabah"ın rəqibini cərimələdi

UEFA "Sabah"ın Konfrans Liqasının III təsnifat mərhələsində üz-üzə gələcəyi Bolqarıstanın “Levski” (Sofiya) klubunu cəzalandırıb.

TodayPress TV xəbər verir ki, klub evdə İsrailin “Hapoel” (Beer-Şeva) kollektivinə qarşı keçirdiyi Avropa Liqasının I təsnifat mərhələsinin ilk oyununda (0:0) yaşananlara görə ziyana düşüb.

“Levski” ictimai keçidlərin bağlanması ucbatından 14000 avro ödəyəcək. Bundan əlavə, klub azarkeşlərin pirotexniki vasitələrdən istifadəsi və fanatların meydana yad əşyalar atmasına görə 6000 avro cərimələnib.

Qeyd edək ki, “Sabah” Bolqarıstan təmsilçisi ilə ilk matçı avqustun 7-də səfərdə, cavab görüşünü isə 14-də evdə keçirəcək.

Namiq HUN