U-15 qız millimiz beynəlxalq arenada öz sözünü deməyə hazırdır
Azərbaycanın U-15 qızlardan ibarət millisi UEFA İnkişaf Turnirində iştirak edəcək.
TodayPress TV xəbər verir ki, 15 yaşadək qızlardan ibarət Azərbaycan milli komandası avqustun 6-dan 9-dək Bakıda təlim-məşq toplanışında olacaq.
Yığma daha sonra UEFA İnkişaf Turnirində iştirak etmək üçün avqustun 9-da Qazaxıstanın Şimkənd şəhərinə yollanacaq.
Baş məşqçilər heyəti turnir üçün 20 futbolçunu milliyə dəvət edib. Heyətdə "Neftçi", "Şəfa", "Sumqayıt", "Sabah", "Ulduz", "Kəpəz" və "Alekseyevka" (Quba) klublarının təmsilçiləri yer alıblar.
Azərbaycan millisi turnirdə ilk oyununu avqustun 12-də ev sahibi Qazaxıstana qarşı keçirəcək. Komandamız avqustun 14-də Rusiya, avqustun 17-də isə Belarus yığması ilə üz-üzə gələcək. Bütün görüşlər Şimkənddəki "Namys" stadionunda baş tutacaq.
Namiq HUN
