“Traktor”un BƏƏ uğuru
“Traktor” Asiya Çempionlar Liqasının Liqa mərhələsində ilk qələbəsini qazanıb.
TodayPress TV xəbər verir ki, Təbriz təmsilçisi turnirin III turu çərçivəsində Birləşmiş Ərəb Əmirliklərində (BƏƏ) “Əl-Şarja” klubunun qonağı olub.
Görüş “Traktor” klubunun 5:0 hesablı qələbəsi ilə başa çatıb. “Traktor”un heyətində Luşkja dubl edib, Haşemnejad, Esmaeilifar və Kazemayni isə hərəyə bir qol vurublar.
Bu qələbədən sonra “Traktor” turnir cədvəlində 4-cü pilləyə yüksəlib.
Namiq HUN
