"UFC Fight Night Baku": Nursulton Ruziboev Rusiya idmançısına qalib gəldi
Mütləq Döyüş Çempionatının (UFC) Bakıda təşkil olunan turnirində daha bir görüş baş tutub.
TodayPress TV xəbər verir ki, beşinci qarşılaşmada özbəkistanlı Nursulton Ruziboev (84,36) Rusiya təmsilçisi Andrey Pulyaevlə (84,36) üz-üzə gəlib.
Orta çəkidəki döyüş Özbəkistan idmançısının qələbəsi ilə yekunlaşıb.
O, ilk raundda boğucu fəndlə rəqibini təslim olmağa məcbur edib.
xxx
Mütləq Döyüş Çempionatının (UFC) Bakıda təşkil olunan turnirində daha bir görüş baş tutub.
TodayPress TV xəbər verir ki, dördüncü qarşılaşmada Avstraliyanı təmsil edən Kaan Ofli (66,22) kolumbiyalı Xavyer Reyeslə (65,99) üz-üzə gəlib.
Yarım yüngül çəkidəki döyüşdə əslən türkiyəli olan Kaan Ofli rəqibindən güclü olub. O, birinci raundda X. Reyesi boğucu fəndlə təslim olmağa məcbur edib.
xxx
Mütləq Döyüş Çempionatının (UFC) Bakıda təşkil olunan turnirində daha bir görüş baş tutub.
TodayPress TV xəbər verir ki, üçüncü qarşılaşmada Ukrayna təmsilçisi Daniil Donçenko (77,44) İsveçdən olan Teodor Berggenlə (77,56) münasibətlərə aydınlıq gətirib.
Yarımorta çəkidəki döyüşdə ukraynalı idmançı qələbə qazanıb. O, ikinci raundda vaxtından əvvəl rəqibini məğlub edib.
xxx
Mütləq Döyüş Çempionatının (UFC) Bakıda təşkil olunan turnirində daha bir görüş baş tutub.
TodayPress TV xəbər verir ki,, ikinci qarşılaşmada Qazaxıstan təmsilçisi Bekzat Almakhan (61,68) Braziliyadan olan Jan Matsumoto (61,46) ilə üz-üzə gəlib.
Ən yüngül çəkidəki qarşılaşmada braziliyalı idmançı qələbəyə sevinib.
O, üç raundun yekununda hakimlərin qərarı ilə qalib gəlib.
Daha əvvəl Azərbaycan təmsilçisi Tahir Abdullayev braziliyalı Ceferson Nasimentonu məğlub edib.
"UFC Fight Night Baku"da gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.
xxx
Bakıda keçirilən "UFC Fight Night Baku" turnirində ilkin kardın ilk görüşü başa çatıb.
TodayPress TV xəbər verir ki, Milli Gimnastika Arenasında təşkil olunan gecədə Tahir Abdullayev (Azərbaycan) braziliyalı Cefferson Nasimento ilə qarşılaşıb.
Tahir Abdullayev yarımorta çəki dərəcəsində braziliyalı Cefferson Nasimentonu məğlub edib. Döyüşçü rəqibinə üçüncü raundda vaxtından əvvəl qalib gəlib.
