Qurban Qurbanov: “Sabah"la aramızda elə də böyük fərq yoxdur”

“Qarabağ” klubunun baş məşqçisi Qurban Qurbanov “Sabah”a qarşı keçirəcəkləri Azərbaycan Kubokunun final oyunu ilə bağlı fikirlərini bölüşüb. 

TodayPress TV xəbər verir ki, təcrübəli mütəxəssis mətbuat konfransında Azərbaycan Kubokunun final matçının hamı üçün vacib olduğunu deyib:

“Yaxşı oyun sərgiləmək niyyətindəyik. Kubok əlavə prestijdir. Finalda da yaxşı nəticə əldə etmək istəyirik. “Sabah” yaxşı təşkilatlanmış iddialı komandadır. Qarşımızda möhkəm komanda olacaq. Onlara qarşı oynamaq xoşdur. Hər iki komandaya uğurlar arzulayıram”.

Qeyd edək ki, mayın 31-də Mehdi Hüseynzadə adına Sumqayıt şəhər stadionunda təşkil olunacaq matç saat 19:00-da start götürəcək.

Namiq HUN