Pyaniç futbolu tərk etdi, ailəsinə vaxt ayıracaq
Bosniya və Herseqovinalı futbolçu Miralem Pyaniç karyerasını bitirib.
TodayPress TV xəbər verir ki, bu barədə “Tuttosport” nəşri məlumat yayıb.
Sabiq yarımmüdafiəçi hazırda Dubayda yaşadığını və övladının tərbiyəsi ilə məşğul olduğunu bildirib.
Qeyd edək ki, 35 yaşlı futbolçu karyerası ərzində Fransanın “Mets”, “Lion”, İtaliyanın “Roma”, “Yuventus”, İspaniyanın “Barselona”, Türkiyənin “Beşiktaş” və Birləşmiş Ərəb Əmirliklərinin “Şarjah” klublarında çıxış edib. Pyaniç 2008-2024-cü illər ərzində Bosniya və Herseqovina millisinin heyətində meydana çıxdığı 115 oyunda 18 qol vurub.
Namiq HUN
