Müller gələcək karyerası ilə bağlı qərarını açıqladı

Almaniyanın tanınmış hücumçusu Tomas Müller karyerasını ABŞ-də davam etdirəcək.

TodayPress TV xəbər verir ki, bu barədə jurnalist "Florian Plettenberq" məlumat yayıb.

Mənbənin bildirdiyinə görə, 35 yaşlı futbolçunun yeni klubu yaxın günlərdə rəsmi olaraq açıqlanacaq. Müqavilənin 2026-cı ilin yayına qədər qüvvədə olacağı gözlənilir.

Tomas Müller "Bavariya"nın yetirməsidir və 2007-ci ildən etibarən Münhen təmsilçisinin əsas komandasında çıxış edib. O, klubun heyətində ümumilikdə 756 oyuna çıxıb, 250 qol vurub və 276 məhsuldar ötürmə ilə yadda qalıb. Müller "Bavariya" ilə birlikdə 33 titul qazanıb.

Töhfə Səməd