"Milan" "Sassuolo"ya uduzdu
İtaliya A Seriyasının 35-ci turunda "Milan" "Sassuolo"nun qonağı olub.
TodayPress TV xəbər verir ki, görüş meydan sahiblərinin 2:0 hesablı qələbəsi ilə yekunlaşıb.
Hesabı matçın 5-ci dəqiqəsində Domeniko Berardi açıb. 24-cü dəqiqədə Fikayo Tomori ikinci sarı vərəqə alaraq meydandan qovulub və "Milan" azlıqda qalıb. İkinci hissənin əvvəlində, 47-ci dəqiqədə Arman Loryente fərqi artıraraq yekun hesabı müəyyənləşdirib.
Hazırda "Milan" 35 oyundan sonra 67 xalla turnir cədvəlinin üçüncü pilləsində qərarlaşıb. "Sassuolo" isə 49 xalla doqquzuncudur.
