Mıktıbek Oralbay: “İstənilən ssenariyə hazıram”

“Məndən sürpriz gözləyin. Bunu iyunun 21-də sübut edəcəyəm”.

TodayPress TV xəbər verir ki, bunu qırğızıstanlı UFC döyüşçüsü Mıktıbek Oralbay Bakıda keçiriləcək turnirdən öncə təşkil olunan mətbuat konfransında deyib.

İxtisasca hüquqşünas olan Mıktıbek Tofiq Musayevin yaxşı döyüşçü olduğunu söyləyib: 

“İki aydır hazırlaşırıq. Özümü hazır hiss edirəm. İstənilən ssenariyə hazıram. UFC kəmərini qazandıqdan sonra karyeramı bitirəcəyəm”.

Qeyd edək ki, Mıktıbek Oralbay yüngül çəki dərəcəsində azərbaycanlı Tofiq Musayevlə qarşılaşacaq. Bakı Kristal Zalında baş tutacaq turnir iyunun 21-də keçiriləcək.

Namiq HUN