Messi “Barselona”ya qayıdır? Laportadan diqqətçəkən açıqlama
Joan Laporta yenidən “Barselona” klubunun prezidenti seçildikdən sonra Lionel Messinin mümkün qayıdışı ilə bağlı açıqlama verib.
TodayPress TV xəbər verir ki, o, bu barədə TV3-ə müsahibəsində bildirib.
“Leo həmişə özü istədiyi qədər “Barselona” ilə bağlı olacaq. Əgər o, bu klubun böyüklüyünü daha da gücləndirmək və artırmaq üçün kömək etmək istəsə, klubun qapıları onun üzünə açıqdır”, – deyə Laporta açıqlama verib.
Xatırladaq ki, Messi 2021-ci ildə “Barselona”dan ayrılıb. Hazırda Leo “Inter Mayami” klubunun heyətində MLS-də çıxış edir.
Onu da qeyd edək ki, Laporta ötən gün keçirilən seçkilərdə yenidən klub prezidenti seçilib və onun yeni səlahiyyət müddəti 2031-ci ilə qədər davam edəcək.
Namiq HUN
