Maykl Misa “Şarks” tarixində iz qoydu
ABŞ Milli Hokkey Liqası (NHL) draftının ikinci seçimi, “San-Xose Şarks”ın 18 yaşlı hücumçusu Maykl Misa NHL karyerasında ilk qolunu “Minnesota Uayld”a qarşı keçirilən səfər oyununda (6:5, əlavə vaxtda) vurub.
TodayPress TV xəbər verir ki, bu qol kanadalı gənc üçün dünyanın ən güclü liqasında ilk idi.
Misa, “Şarks” tarixində NHL-də ilk qolunu vuran ən gənc beşinci oyunçu olub -18 yaş 252 günlüyündə.
Daha gənc yaşda bunu yalnız Patrik Marlo (18 yaş 34 gün), Maklin Selebrini (18 yaş 119 gün), Vlastimil Kroupa (18 yaş 166 gün) və Ceff Frizen (18 yaş 169 gün) bacarıb.
Qeyd edək ki, cari mövsümdə Maykl Misanın hesabında 5 oyun və 3 (1+2) xal var.
Namiq HUN
