Madrid derbisi Mbappesiz baş tutacaq
“Real Madrid” klubunun futbolçusu Kilian Mbappe İspaniya Superkubokunun yarımfinalında “Atletiko Madrid”ə qarşı keçiriləcək oyunda iştirak etməyəcək.
TodayPress TV İspaniya mətbuatına istinadən xəbər verir ki, fransalı hücumçu Madrid derbisində meydanda olmayacaq.
Daha əvvəl Mbappenin zədəsini sağaldaraq oyuna hazır olacağı ehtimal edilirdi. Lakin son məlumatlara görə, bu baş verməyəcək. 27 yaşlı hücumçu yanvarın 8-də “Atletiko”ya qarşı keçiriləcək yarımfinal görüşünü buraxacaq.
Bildirilir ki, Mbappe hətta İspaniya Superkuboku oyunlarının keçiriləcəyi Səudiyyə Ərəbistanına “Real Madrid”in heyəti ilə birlikdə yollanmayacaq.
Namiq HUN
