Macarıstanda sevindirici nəticə – Azərbaycan cütlüyü mundiala gedir
Fiqurlu konkisürmə üzrə Macarıstanda keçirilən “Santa Claus Cup” beynəlxalq turniri Azərbaycan idmançıları üçün uğurla nəticələnib.
TodayPress TV xəbər verir ki, buz üstündə rəqs növü üzrə cütlüyümüz turnirdə yeniyetmələrin dünya birinciliyinə vəsiqə qazanıb.
Anna Obrien və Drake Tongdan ibarət duetimiz yarışın nəticəsinə əsasən 11 idmançı arasında 126.79 xal toplayaraq 6-cı yeri tutub.
Qeyd edək ki, yeniyetmə fiqurlu konkisürənlər arasında dünya birinciliyi 3-8 mart tarixlərində Estoniyanın Tallin şəhərində keçiriləcək.
Namiq HUN
