Enrike ilə gərginlik transferi alovlandırdı: Real fürsəti qaçırmır
İspaniyanın “Real Madrid” klubu Fransa millisinin futbolçusu Dezire Dueni transfer etmək üçün böyük məbləğdə vəsait ayırmağı planlaşdırır.
TodayPress TV “Fichajes” nəşrinə istinadən xəbər verir ki, “kral klubu” yay transfer pəncərəsi zamanı 20 yaşlı vingeri heyətinə qatmaq istəyir və bu transfer üçün təxminən 100 milyon avro ödəməyə hazırdır.
Məlumata görə, futbolçunun PSJ-nin baş məşqçisi Luis Enrike ilə münasibətlərinin ideal olmadığı bildirilir və Madrid təmsilçisi bu vəziyyətdən faydalanmağa çalışır.
Qeyd edək ki, 2024-cü ildən Paris klubunda çıxış edən Dezire cari mövsümdə 23 oyunda 8 qol vurub və 5 məhsuldar ötürmə edib.
Namiq HUN
