Lebrondan səmimi etiraf – Karri ilə oynamaq xüsusi hissdir
Dördqat NBA çempionu Lebron Ceyms “Qolden Steyt Uorriors”a qarşı oyundan sonra Stefen Karri ilə qarşılaşmaq barədə fikirlərini bölüşüb.
TodayPress TV xəbər verir ki, “Los-Anceles Leykers” ilə “Qolden Steyt Uorriors” arasında keçirilən matç 119:103 hesabı ilə “Leykers”in qələbəsi ilə başa çatıb.
Qarşılaşmada Lebron 26 xalla komandasının ən məhsuldar oyunçularından biri olub.
Oyundan sonra danışan basketbolçu bildirib ki, cari mövsüm Karrilə son dəfə üz-üzə gəldiklərini əvvəlcədən anlamayıblar:
“Biz bunu yalnız bu gün anladıq. Gələcəkdə nə olacağını bilmirik. Əgər yenidən bir-birimizə qarşı oynamaq şansı olsa, bu, həmişə xoş və şərəflidir - onunla eyni meydançada olmaq belə xüsusi hissdir”, - deyə Ceyms vurğulayıb.
Namiq HUN
