Karlos Alkaras ən yüksək qələbə faizi ilə zirvədədir
Altıqat “Böyük Dəbilqə” çempionu, dünyanın bir nömrəli raketka ustası Karlos Alkaras 2025-ci ildə minimum 10 oyun keçirən tennisçilər arasında ən yüksək qələbə faizinə sahibdir.
TodayPress TV xəbər verir ki, bu barədə Opta Ace-in sosial şəbəkə “X” hesabı məlumat yayıb.
İspan tennisçi Tokioda keçirilən turnirin ilk mərhələsində argentinalı Sebastyan Baesi 6:4, 6:2 hesabı ilə məğlub edib. Alkaras cari mövsümdə 63 qələbə, 7 məğlubiyyətlə 90%-lik qələbə göstəricisinə malikdir.
İtaliyalı Yannik Sinner 88,1%-lə ikinci, britaniyalı Ceyk Dreyper 76,9%-lə üçüncü sıradadır. Siyahıda serbiyalı Novak Cokoviç (75,6%) və amerikalı Teylor Frits (72,6%) də ön sıralarda yer alıb.
Namiq HUN
