İsrail millisinin futbolçusu 31 yaşında vəfat etdi

"Makkabi Hayfa"nın və İsrail milli futbol komandasının yarımmüdafiəçisi Qadi Kinda 31 yaşında vəfat edib.

TodayPress TV xəbər verir ki, bu barədə "13tv" məlumat yayıb.

Ölüm səbəbinin sürətlə inkişaf edən onkoloji xəstəlik olduğu bildirilir.

Xatırladaq ki, yarımmüdafiəçi mayın əvvəlində ağır vəziyyətdə Hayfa xəstəxanasına yerləşdirilmişdi. Kinda sonuncu dəfə iki ay əvvəl, martın 29-da “Hapoel”lə matçda meydana çıxıb.

Qeyd edək ki, Kinda Efiopiyada anadan olub və üç yaşında ailəsi ilə birlikdə İsrailə köçüb. Yarımmüdafiəçi 2021-ci ildə millidə debüt edib, millinin heyətində on oyunda iki qol vurub.

Töhfə Səməd