“Formula 1”: Maks Ferstappen ən yaxşı pilot seçildi

“Formula 1” üzrə dördqat dünya çempionu Maks Ferstappen 2025-ci il mövsümünün ilk yarısı üçün ən yaxşı pilot seçilib.  

TodayPress TV “Sky Sports”a istinadən xəbər verir ki, “Red Bull” komandasının sürücüsü qiymətləndirmədə 10 mümkün xaldan 9,5 bal toplayaraq birinci yeri tutub.

İkinci pillədə 9 balla üç pilot yer alıb. Bunlar Oskar Piastri (“MakLaren”), Corc Rassell (“Mercedes”) və Şarl Leklerdir (“Ferrari”).

Qeyd edək ki, qiymətləndirmədə pilotların həm sıralanma turundakı, həm də yarışlardakı nəticələri nəzərə alınıb. 

Xatırladaq ki, yay fasiləsindən sonra “Formula 1”  mövsümü avqustun 29–31 tarixlərində keçiriləcək Niderland Qran-Prisi ilə davam edəcək.

Namiq HUN