“Əl-Nəsr” yeni oyunçu qeydiyyatından məhrum edildi
FIFA, portuqaliyalı hücumçu Kriştianu Ronaldunun çıxış etdiyi Səudiyyə Ərəbistanının “Əl-Nəsr” klubuna yeni futbolçuların qeydiyyatı ilə bağlı qadağa tətbiq edib.
TodayPress TV “Arriyaditah” nəşrinə istinadən xəbər verir ki, sanksiyanın səbəbi feyr-pley qaydalarının pozulmasıdır.
Məlumata görə, Ər-Riyad təmsilçisi ispaniyalı müdafiəçi Emerik Laportun transferi zamanı “Mançester Siti”yə ödənilməli olan bəzi məbləğləri yerinə yetirməyib.
Qadağanın aradan qaldırılması üçün “Əl-Nəsr”in 9 milyon avro ödəməli olduğu bildirilir.
Qeyd edək ki, Emerik Laport 2023–2025-ci illərdə “Əl-Nəsr”in formasını geyinib. 31 yaşlı futbolçu klubun heyətində 69 oyunda 9 qol vurub və 1 məhsuldar ötürmə edib.
Namiq HUN
