Əfsanəvi futbolçu vəfat etdi
Uels futbol ictimaiyyəti ağır itki ilə üzləşib.
TodayPress TV xəbər verir ki, "Lids Yunayted"in əfsanəsi, Uels millisinin qəhrəmanı və bir çox klubun aparıcı siması olmuş Terri Yorat 75 yaşında dünyasını dəyişib.
Yorat 1969-1981-ci illər aralığında Uels millisində 59 oyun keçirib və 2 qol vurub. O, 1970-ci illərin "Lids Yunayted"inin uğurlarında əsas rol oynayanlardan biri olub, 1974-cü ildə İngiltərə liqasının qalibi adını qazanıb və 1975-ci ildə Avropa Kubokunun finalına yüksələn komandanın heyətində yer alıb.
Məşqçi kimi də tanınan mütəxəssis Uels millisinə Almaniya və Braziliya kimi nəhənglər üzərində tarixi qələbələr qazandırıb. Onun "Suonsi" və "Bredford Siti"dəki fəaliyyəti isə irsini Uels futbol tarixinin ən nüfuzlu şəxslərindən biri kimi daha da möhkəmləndirib.
