DÇ-2026: Fransa 29-cu oldu
DÇ-2026-nın seçmə mərhələsinin növbəti matçlarından sonra daha bir komanda əsas mərhələyə vəsiqəni təmin edib.
TodayPress TV xəbər verir ki, bu, Fransa yığması bu uğura imza atan 29-cu komanda olub.
Didye Deşamın kollektivi D qrupunda Ukrayna yığmasına (4:0) qalib gəlib.
Fransa ardıcıl 8-ci dəfə mundialın final mərhələsində mübarizə aparacaq.
Daha əvvəl Misir, Əlcəzair, Qana, Kabo-Verde, Cənubi Afrika, Qətər, İngiltərə, Səudiyyə Ərəbistanı, Kot-d'İvuar, Seneqal, Uruqvay, Kolumbiya, Paraqvay, Mərakeş, Tunis, Yaponiya, Yeni Zelandiya, İran, Argentina, Özbəkistan, Koreya, İordaniya, Avstraliya, Ekvador və Braziliya DÇ-2026-nın final mərhələsinə vəsiqə əldə edib.
ABŞ, Kanada və Meksika isə ev sahibləri kimi turnirə birbaşa vəsiqə qazanıblar.
DÇ-2026-nın əsas mərhələsinin oyunları iyunun 11-də start götürəcək və iyulun 19-da başa çatacaq.
Namiq HUN
