Cüdoçularımızın rəqibləri bəlli oldu
Monqolustanın paytaxtı Ulan-Batorda keçiriləcək cüdo üzrə “Böyük Dəbilqə” turnirinin püşkatma mərasimi keçirilib.
TodayPress TV xəbər verir ki, püşkatmada Azərbaycan cüdoçularının da ilk rəqibləri müəyyənləşib.
60 kq-da Balabəy Ağayev ilk mərhələdən azaddır. O, 1/8 finalda Konstantin Simeonidis (BƏƏ) - Mendsayxan Nyamsuren (Monqolustan) cütünün qalibi ilə üz-üzə gələcək.
Eyni çəkidə tatamiyə çıxacaq Turan Bayramov da yarışa 1/8 finaldan qoşulacaq. Onun rəqibi Sumiyabazar Enxtayvan (Monqolustan) - Yuantao Van (Çin) cütünün güclüsü olacaq.
66 kq-da Elşən Əsədov isə 1/16 final çərçivəsində Cantsandorj Unurbatla (Monqolustan) güləşəcək.
Qeyd edək ki, yarış sabah Bakı vaxtı ilə saat 08:00-da başlayacaq.
