Çempionluq yarışı qızışır: “Qalatasaray”dan sərt addım!
Qalatasaray futbol klubu bazaya girişlə bağlı sərt qərar qəbul edib.
TodayPress TV xəbər verir ki, İstanbul təmsilçisi baş məşqçi Okan Burukun tələbi ilə komandanın “Kəmərburqaz” bazasına kənar şəxslərin girişini qadağan edib.
Bu addımın səbəbi “Qalatasaray”ın Göztəpə ilə matçından sonra start heyətin mətbuata sızdırılması ilə bağlı narahatlıqdır.
Bununla yanaşı, klub rəhbərliyi Türkiyə Super Liqasında çempionluq mübarizəsinin həlledici mərhələsində futbolçulara vəd edilən bütün mükafatların ödəniləcəyini açıqlayıb.
Hazırda “Qalatasaray” 68 xalla turnir cədvəlinin lideridir. Onu 66 xalla Fənərbağça və 64 xalla Trabzonspor izləyir.
Namiq HUN
