Azərbaycan klublarına yox dedi: Abasovun hədəfi xaricdir
“Neftçi” klubu ilə yollarını ayıran Samir Abasov xaricdən təklif alıb.
TodayPress TV AZƏRTAC-a istinadən xəbər verir ki, bu barədə 47 yaşlı mütəxəssisin özü məlumat verib.
Samir Abasov hazırda qarşı tərəflə danışıqların aparıldığını bildirib:
“Bu, iki tərəf arasında gedən danışıqlardır. Hansı ölkə olduğunu hələ deyə bilmərəm. Yalnız məsələ dəqiqləşdikdən sonra məlumat verəcəyik”.
Mütəxəssis adının “Araz-Naxçıvan” və “Turan-Tovuz” klubları ilə hallanmasına da münasibət bildirib:
“Azərbaycan klublarının heç birindən təklif almamışam. Ümumiyyətlə, bu klublarla hər hansı danışıqlarımız olmayıb”.
Namiq HUN
