Avropanın nəhəngləri Vlahoviç uğrunda yarışa qoşuldu
Serbiyalı hücumçu Duşan Vlahoviç mövsümün sonunda “Yuventus” klubu ilə yollarını ayırmağa hazırlaşır.
TodayPress TV xəbər verir ki, insayder Nikolo Skiranın məlumatına görə, futbolçu Turin təmsilçisinin müqaviləni uzatmaq təklifini rədd edib.
Onun hazırkı müqaviləsinin müddəti iyunun 30-da başa çatır və Vlahoviç komandadan azad agent kimi ayrılacaq.
Serbiyalı forvard 2022-ci ilin yanvarında “Fiorentina”dan “Yuventus”a transfer olunmuşdu. Həmin keçidin dəyərinin 85,4 milyon avro olduğu bildirilirdi.
26 yaşlı hücumçu başa çatan mövsümdə A Seriyası və UEFA Çempionlar Liqasında keçirdiyi 23 oyunda 10 qol vurub və 2 məhsuldar ötürmə ilə yadda qalıb.
Məlumatlara görə, futbolçunun xidmətində “Arsenal”, “Bavariya” və “Milan” maraqlıdır.
Namiq HUN
