Xırdalanda bıçaqlanma hadisəsi oldu
Xırdalanda bıçaqlanma hadisəsi qeydə alınıb.
TodayPress TV xəbər verir ki, Xırdalanda 22 yaşlı Vüsal Orucov adlı şəxslə bir neçə nəfər arasında mübahisə yaranıb.
Daha sonra mübahisə davaya çevrilib və həmin şəxslər V. Orucovu döyərək ona bıçaqla xəsarət yetiriblər.
Hadisənin nə üstündə olduğu bilinmir. Bıçaqlanan şəxsin yaxınlıqdakı obyektlərin birində kuryer işlədiyi bildirilir.
DİN-in Mətbuat Xidmətinin əməkdaşı polis leytenantı Lumu İsrəfilli bildirib ki, axşam saatlarında Abşeron rayonunda moped sürücüləri (kuryerlər) arasında insident olması ilə bağlı polisə məlumat daxil olub. İlkin məlumata görə insidentdə tərəflərdən biri — 22 yaşlı şəxs müxtəlif dərəcəli xəsarət alıb. Ərazi polis orqanında araşdırma aparılır, əməli törədən şəxs, yaxud şəxslərin müəyyən olunması istiqamətində tədbirlər görülür.
