Tərtərdə iki minik avtomobili toqquşdu
12 oktyabr saat 17:10 radələrində Tərtər rayonu, Qaradağlı kəndi ərazisində “Opel” və “Lada” markalı minik avtomobillərinin toqquşması nəticəsində yol-nəqliyyat qəzası baş verib.
TodayPress TV xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, qəza nəticəsində “Lada” markalı minik avtomobilinin sürücüsü, 1998-ci il təvəllüdlü Əliyev Orxan Camal oğlu müxtəlif dərəcəli bədən xəsarətləri alaraq avtomobildə sıxılmış vəziyyətdə qalıb.
Bu zaman xidmətdən kənar vaxtda həmin ərazidə olan Fövqəladə Hallar Nazirliyi Qarabağ Regional Mərkəzinin əməkdaşı, daxili xidmət baş çavuşu Mirişov Elxan Əhməd oğlu dərhal qəza yerinə yaxınlaşaraq sürücünü deformasiyaya uğramış avtomobildən çıxarıb.
O daha sonra yaralıya ilkin yardım göstərib və onu təcili tibbi yardım briqadasına təhvil verib.
