"Bitcoin" və "Ethereum" bahalaşdı
Yanvarın 5-də kriptovalyuta birjalarında "Bitcoin"in qiyməti artıb.
TodayPress TV xəbər verir ki, dünyanın ən bahalı kriptovalyutası son 24 saatda “CoinMarketCap” platformasında 1.31% bahalaşaraq 92 543 ABŞ dolları təşkil edib.
Son bir gündə "Ethereum"un qiymətində də artım müşahidə edilib. Sözügedən kriptovalyutanın dəyəri 0.67% artaraq 3165 ABŞ dollarına bərabər olub. İlk beşlikdə olan XRP son sutkada 3.19%, BNB isə 0.75% bahalaşıb.
Qeyd edək ki, "Bitcoin"in ən yüksək qiyməti ötən ilin oktyabr ayında qeydə alınıb və qiyməti 126 min dolları ötüb.
