Zelenski: "Kelloq ilə söhbət məhsuldar oldu"

Ukrayna Prezidenti Volodimir Zelenski ABŞ-nin xüsusi nümayəndəsi Kit Kelloqla keçirdiyi görüş barədə sosial şəbəkədə paylaşım edib.

TodayPress TV xəbər verir ki, Zelenski açıqlamasında sülhə gedən yoldan və Ukraynanın müdafiə qabiliyyətini artırmaq üçün atılacaq birgə addımlardan danışıb.

“Ukraynanın hava hücumundan müdafiəsinin gücləndirilməsi, ortaq hərbi istehsal və Avropa ilə birlikdə silah tədarükü imkanlarını müzakirə etdik. Eyni zamanda Rusiyaya və ona dəstək verənlərə qarşı sanksiyalar məsələsini də gündəmə gətirdik", – deyə Zelenski bildirib.

Ukrayna lideri həmçinin Kiyevə səfərinə görə Kelloqa təşəkkür edib və ABŞ Prezidenti Donald Trampa “önəmli dəstək siqnallarına” görə minnətdarlığını bildirib.

Qiymət Mahir